Нема докази дека „АстраЗенека“ кај младите предизвикува згрутчување на крвта

Прочитај за: < 1 минута

Европската агенција за лекови (ЕМА) објави дека од постоечките податоци не може да потврди дали кај жените и кај младите лица е поголем ризикот за згрутчување на крвта со ниско ниво на тромбоцити по примање на вакцина од АстраЗенека.

Поради ограничувањата во начинот на прибирање на податоци ЕМА не успеала да ги идентификува специфичните ризични фактори кои доведуваат до веројатна појава на тромбоза со тромбоцитопенија, објави европскиот регулатор, пренесува Ројтерс.

Европската комисија претходно побара научно мислење од ЕМА по појавата на тромбоза пропратена со тромбоцитопенија по примањето на вакцината на АстраЗенека.

Поради тоа некои држави на ЕУ во еден момент ја прекинаа употребата на вакцината на АстраЗенека. ЕМА повтори дека втората доза вакцина која АстраЗенека ја рзавила со Универзитетот во Оксфорд треба да се прими помеѓу четири и 12 недели по првата доза.

-Нема докази дека одложувањето на втората доза има каков било ефект на ризик од тромбоза – објави ЕМА.

Агенцијата истакнала дека во моментов нема дефинитивна препорака за давање вакцина од друг произведувач, по примање на прва доза од АстраЗенека.

SHARE