Ако не можете да им одолеете на слатките кога сте уморни или под стрес, ароматерапијата може да биде корисна. Имено, истражувањата покажале дека мирисите на одредени есенцијални масла помагаат да се контролира апетитот, па
дури и да се намали желбата за слатки. За кои масла зборуваме?
Пред се, тоа се масла од цитрус – маслото од бергамот помага при лошо расположение, па може да ги спречи шансите за емоционално прејадување. Мирисот на бергамот
го намалува лачењето на кортизол и затоа е идеална арома кога сте под стрес.
Мирисот на маслото од грејпфрут исто така го подобрува расположението, дава енергија и ја намалува потребата за грицки и слатки.
Маслото од нане го намалува чувството на глад – една студија покажа дека вдишувањето на мирисот на нане на секои два часа може да го намали апетитот.
Аромите на цимет и ѓумбир се исто така сојузници во борбата против желбата за посилна храна и шеќер.
Ако сакате да го комбинирате ефектот на повеќе масла, можете да истурете масло од бергамот, грејпфрут и ѓумбир во мало шише (10 мл) во сооднос 4: 2: 1. Добро протресете и, доколку е потребно, помирисајте ја оваа маслена смеса директно од шишето. Можете исто така да истурете 8 капки масло од бергамот, 4 капки масло од грејпфрут и 2 капки масло од ѓумбир во дифузер или, доколку го немате овој уред, во сад со 500 мл топла вода. Пареата ќе го освежи воздухот во просторијата и во исто време позитивно ќе влијае на расположението, напнатоста и апетитот.
