Пациент скокнал од шестиот кат на Торакална клиника и си го одземал животот

Прочитај за: < 1 минута

Пациент скокнал од шестиот кат на Клиниката за торакална и васкуларна хирургија во Скопје во петокот и си го одземал животот.

Случката предизвикала огромна вознемиреност кај медицинскиот персонал кој останал во шок и неверување. Среде бел ден, без ништо да наговести дека ќе се случи трагедија, пациентот си го одземал животот, пренесува Слободен Печат

Директорот на Клиниката доктор Неџати Јакупи вели дека вакво нешто првпат се случува на Клинички центар.

– За жал, точно е. Во петокот се случи овој немил настан и сите сме во неверица. Пациентот беше опериран од карцином на бел дроб, беше повозрасен човек од над 60 години. Имал и претходно депресии. Наредниот ден требаше да се пушти дома после операцијата, беше опоравен а операцијата успешна. Но, за жал скокнал низ прозорецот од шестиот кат а ништо не го наговестуваше тоа, изјави доктор Јакупи за „Слободен Печат“.

SHARE